काठमाडौं। कोरोनाभाइरसको कहरका कारण जारी लकडाउनको ७६ औं दिनमा पुग्दा काठमाडौंमा लकडाउन खुकुलो भएको जस्तो महशुश भएको छ। सरकारले लकडाउन खुकुलो नपारेपनि काठमाडौंका जनताहरुले वाक्क दिक्क भएर स्वतःस्फूर्त रुपमा लकडाउनलाई खुकुलो बनाउने प्रयास भएको हो।
अघिल्ला दिनहरुमा भन्दा धेरैजसो पसल–व्यवसाय खुल्ला भएको छ। सडकमा सार्वजनिक भन्दा नीजि र सरकारी सवारीहरुको बांक्लो चाप पाइएको छ। हिजोअस्तिका तुलनामा सडकमा सुरक्षाकर्मी तथा ट्राफिक प्रहरीहरुले पनि त्यस्तो कुनै सोधपुछ गरेर हैरान गर्ने कार्य भएको देखिएन।
यस हिसावले आज जेठ २५ गते आइतवारवाट कोरोना भाइरस महामारी रोकथामका लागि सरकारले चैत ११ गतेदेखि सुरु गरेको लकडाउन काठमाडौंमा खुकुलो हुँदै गएको हो कि भन्ने आभांस मिलेको हो। रोगले भन्दा भोकले मर्ने अवस्था आएपछि सर्वसाधारण आफैले यस्तो कदम उठाउन वांध्य भैसकेका हुन।
सरकार लकडाउन लम्ब्याउन मात्र व्यस्त भैरहेको छ। नेपाली जनताको लागि आवश्यक कुनै पूर्वाधार तयार पार्न नसकेको तथा सवैलाई राहत पुग्ने कार्य गर्न सरकार चुकेको अवस्थामा लकडाउन खुकुलो वनाउन आफूहरु अग्रसर हुन वांध्य भएको स्थानीय रिता पाठक देखि शारदा शर्मासम्मको भनाइ रहेको छ।
