बिहीबारसम्म प्रान्तमा मात्र ५ हजार ८०६ जनामा कोरोना भाइरसको संक्रमण देखा परेको छ। जसमध्ये ८०४ जना निको भइसकेका छन् भने २९० जनाको अवस्था चिन्ताजनक रहेको समाचारमा उल्लेख छ। कोरोना भाइरसको संक्रमणको लक्षण देखिसँगै ३२ हजार ३४० जनालाई आइशोलेशनमा राखिएको छ।

चीनवाट फैलिएको कोरोना भाइरसको महामारी आतंक भएपछि विश्व स्वास्थ्य संगठनले विश्वव्यापी स्वास्थ्य आपतकालको घोषणा गरेको छ। विश्व स्वास्थ्य संगठनको इमरजेन्सी कमिटीको बैठकले यस्तो घोषणा गरेको हो। संगठनका महासचिवको नेतृत्वमा अन्तर्राष्ट्रिय स्वास्थ्य नियम (आईएचआर) २००५ वमोजिम बसेको बैठकले नोवेल कोरोना भाइरस २०१९ (२०१९ एनसीओभी)को संक्रमणका कारण अन्तर्राष्ट्रिय रुपमा स्वास्थ्य आपतकाल घोषणा गरेको हो।

गत डिसेम्वरबाट चीनको वुहानमा पहिलोपटक पत्ता लागेको यस रोगको संक्रमण पूरै चीनमा फैलिएको छ। चीन हुँदै अन्य देशमा समेत कोरोना भाइरसको संक्रमण फैलन थालेपछि डब्लूएचओले विश्वव्यापी स्वास्थ्य आपतकाल घोषणा गरेको हो।

विश्व स्वास्थ्य संगठनले कमजोर स्वास्थ्य प्रणाली रहेका मुलुकमा कोरोना भाइरस फैलन सक्ने त्रास रहेको भन्दै चिन्ता व्यक्त गरेको छ।
बिहीवार जेनेभामा बसेको बैठकले महासचिवलाई यस सम्बन्धी निर्णय लिने जिम्मा दिएको थियो। इमरजेन्सी कमिटीका सदस्य तथा सल्लाहकारहरुको टेलिकन्फेरेन्सबाट भएको बैठकमा चीनका स्वास्थ्य मन्त्रालयका अधिकारीले चीनको पछिल्लो अवस्थाको बारेमा जानकारी दिएका थिए। हालसम्मब १८ देशमा ८३ जनामा संक्रमण पुष्टि भएको छ। जसमध्ये सात जना मात्र चीन भ्रमण नगरेका व्यक्ति हुन्।

बैठकले भाइरस नियन्त्रणमा चीन सरकार र त्यहाको नेतृत्वको राजनीतिक प्रतिवद्धाप्रति धन्यवाद ज्ञापन गरेका थिए। आपतकाल घोषणा गर्ने निर्णय गर्दै स्वास्थ्य संगठनले यो घोषणा चीन प्रतिको सहयोग, त्यहाँका जनता र सरकारले अग्रपंक्तिमा रहेर भाइरस विरुद्ध लडिरहेको अवस्थालाई सम्मान गर्दै थप फैलिन नदिन विश्वव्यापि एक्यवद्धता स्वरुप घोषणा गरिएको जनाएको छ। यसैबीच अमेरिकाले आफ्ना नागरिकलाई चीन भ्रमण नगर्न सूचना जारी गरेको छ।

प्रकाशन मिति–२०७६ साल माघ १७ गते शुक्रवार ।