काठमाडौ। काठमाडौं उपत्यकाका विभिन्न स्थानमा होली मनाउनेक्रममा उच्छृंखल गतिविधि गर्ने दुई सयजनाभन्दा बढीलाई प्रहरीले मंगलबार पक्राउ गरेको छ।
त्यसैगरी, ट्राफिक नियम उल्लंघन गर्ने १७ सय ३८ भन्दा बढी सवारी–साधनलाई ट्राफिक प्रहरीले नियन्त्रणमा लिएको छ। ट्राफिक नियम उल्लंघन गर्नेमा अधिकांश मादकपदार्थ सेवन गरी सवारी चलाउने, हेलमेट नलगाउने र सवारीचालक अनुमतिपत्र बिना चलाउनेहरु रहेका जनाइएको छ। उनीहरुलाई आवश्यक कारबाहीका लागि ट्राफिक प्रहरी महाशाखामा राखिएको छ।मंगलबार दिनभर उपत्यकाका ५५ स्थानमा चेकजाँच राखिएको थियो।
प्रकाशन मिति–२०७२ साल चैत्र ९ गते मंगलवार ।