काठमाडौं। शिवपुरी मिडिया नेटवर्कको आयोजनामा शिवपुरी मिडिया नेटवर्कको तेस्रो, अग्निवाण पाक्षिक पत्रिकाको बाह्रौं र सगरमाथा पोष्ट डट कमको छैठौं बार्षिकोत्सव उत्सव संपन्न भएको छ। शिवपुरी मिडिया नेटवर्कका अध्यक्ष रविन प्रसाद थपलियाको सभापतित्व एवं ओशो तपोवनका संस्थापक बोधिसत्य स्वामी आनन्द अरुणको प्रमुख आतिथ्यतामा नेपाल पुलिस क्लवमा सम्पन्न भएको हो।
उक्त कार्यक्रममा शिवपुरी मिडिया नेटवर्कले प्रकाशन गरेको स्मारिका विमोचन तथा अपाङ्गता सहायता कोषको घोषणा र शिवपुरी मिडिया सम्मान कार्यक्रम भएको हो। प्रमुख अतिथि स्वामी आनन्द अरुणले शारिरिक अपाङ्गताका बाबजुदपनि निरन्तर पत्रकारितामा सक्रिय रहने पत्रकारहरुलाई सम्मान गरेका थिए।
सम्मानित हुनेहरुमा न्यूजलाइन्स नेपाल डटकमका प्रधाान सम्पादक तथा प्रकाशक राजु भट्ट,कारोवार दैनिकका गजेन्द्र बुढाथोकी, कृषि क्षेत्रमा योगदान गर्ने रामप्रसाद पुडासैनी, तारकेश्वर नगरपालिका वडा नं. ९ का अध्यक्ष बलराम सिटौला, पत्रकार विकास थपलिया, मुकुन्द कालिकोटे, बलराम खड्का, चन्द्रिका आचार्य, अनुज कुमार श्रेष्ठ, नजिर हुसैन, माधव प्रकाश सुवेदी लगायत रहेका छन्।
प्रकाशन मिति–२०७६ साल असार ९ गते सोमवार ।