काठमाडौ। नेपालकी राष्ट्रपति विद्यादेवी भण्डारीकी कान्छी छोरी निशाकुसुम भण्डारीको विवाह भोजमा नेपालका पूर्वराजा ज्ञानेन्द्र शाह राष्ट्रपति भवन शीतल निवास पुगेका छन्।
सोमवार मध्यान्हमा आयोजित विवाह समारोहमा राष्ट्रपति भण्डारीकी छोरी र ज्वाईलाई आशीर्वाद दिएर विवाह भोजको रौनकमा सरिक बनेका थिए। ज्ञानेन्द्रलाई विवाह भोजमा राप्रपाका नेता कमल थापा लगायतले कंपनी दिएका थिए।
शीतल निवासमा ज्ञानेन्द्र शाह सवैको लागि आकर्षणको विषय बनेका थिए। राष्ट्रपति भवनमा राष्ट्रपति भण्डारीले नमस्कार गर्दै स्वागत गरेकी थिइन्। विवाहको माहोलमा करिब २५ मिनेट बसेर शाह निर्मल निवास फर्केका थिए।
सोमवार राष्ट्रपति भण्डारीकी छोरी निशाकुसुम भण्डारीको पूर्वराष्ट्रपति डा.रामवरण यादवका नाति अभिशेष यादवसंग विवाह संपन्न भएको छ।
प्रकाशन मिति–२०७३ साल माघ ३ गते सोमवार