टोकियो। जापानमा फेरि शक्तिशाली भूकम्प गएको छ। जापानको कुरायोसी केन्द्र भएर शुक्रबार शक्तिशाली भूकम्प गएको अमेरिकी जिओलोजीकल सेन्टरले जनाएको छ। ६.२ रेक्टर स्केलको भूकम्प गएको भए पनि तीब्रता ७ रेक्टर भन्दा माथिको महशुस भएको जनाएको छ। जापानमा बिहीबार पनि ६.२ रेक्टर स्केलको भूकम्प गएको थियो।
भूकम्पका दुई ठूला धक्का महसुस भएसँगै सुनामीको चेतावनी दिइएको छ। जापान मेटेरोलोजिकल एजेन्सीले भने ६.६ रेक्टरको भूकम्प गएको जनाएको छ। स्थानीय समय अनुसार २ बजेर ७ मिनेटमा भूकम्प गएको हो । भूकम्पपछि शिंकनसेन रेलसेवा अवरुद्ध हुन पुगेको छ। ओसाका र हाकाता स्टेशनबीच सान्यो शिंकनसेल क्षेत्रका सबै रेल सेवा अवरुद्ध भएका छन्।
समाचार एजेन्सीको सहयोगमा
प्रकाशन मिति–२०७३ साल कात्तिक ६ गते शनिवार ।