मध्यपुर थिमि । नेपालका राष्ट्रिय विभूति शंखधर साख्वाःको नाममा निर्माण भएको मध्यपुर थिमिको अलौकिक शंखधर पार्कको शताव्दी पुरुष डा.सत्यमोहन जोशीले अवलोकन भ्रमण गरेका छन्। मध्यपुर थिमि नगरपालिकाका हसमुख मेयर मदनसुन्दर श्रेष्ठको निम्तोमा १ सय २ बर्षका इतिहासविद शताव्दी पुरुष डा.जोशीले शंखधर पार्कको अवलोकन भ्रमण गरेका हुन ।
१ सय २ बर्षको उमेरमा पनि मज्जाले ठमठमी हिडे्रै शताव्दी पुरुष डा.जोशीले शंखधर पार्क पुगेर राष्ट्रिय विभूति शंखधर सख्वाःप्रति मध्यपुर थिमि नगरपालिकाले दिएको सम्मान तथा अलौकिक उद्यानको निर्माण गरेर शहरी सुन्दरता अभिबृद्धि गर्न गरेको योगदानको दिल खोलेर प्रशंशा गर्ने कार्य मेयर मदनसुन्दर श्रेष्ठसंग कुराकानी गर्दै उकालो लाग्ने क्रममा गरेका थिए ।
शताव्दी पुरुष डा.जोशीले अलौकिक नगर मध्यपुर थिमिको कला तथा संस्कृतिको विकास तथा उत्थानका लागि गर्नुपर्ने आवश्यक कदमका वारेमा सल्लाह तथा सुझाव दिने कार्य पनि मेयर श्रेष्ठलाई दिए ।
अवलोकन भ्रमणमा शताव्दी पुरुष डा.जोशीका भतिज ललितपुर उद्योग बाणिज्य संघका पूर्वअध्यक्ष अजरमान जोशीका साथमा मध्यपुर थिमि नगरपालिकाका पूर्वमेयर मदनकृष्ण श्रेष्ठको समेत सहभागिता रहेको थियो ।
प्रकाशन मिति–२०७८ साल पुस २७ गते मंगलवार ।