काठमाडौं । चलचित्र ‘हेल्लो जिन्दगी’ सर्वाधिक अन्तर्राष्ट्रिय अवार्ड जित्ने पहिलो नेपाली चलचित्र बनेको छ।
नेपालमा गत वर्षको चैत १८ गते प्रदर्शन पश्चात् विभिन्न अन्तर्राष्ट्रिय फेस्टिभलहरुमा सहभागिता जनाएको फिल्मले अहिलेसम्म ८ वटा अन्तर्राष्ट्रिय अवार्ड प्राप्त गरिसकेको छ ।
विक्रम डि जोशीद्वारा निर्मित यस चलचित्रमा जोशीसँगै प्रियंका कार्की, दीपिका प्रसाईं, विक्रान्त बस्नेत, विल्सन बिक्रम राईलगायतको अभिनय रहेको छ । चलचित्रको युके तथा नेपालमा छायांकन भएको थियो ।
