काठमाडौ। नेपाली चलचित्रकी ख्यातिप्राप्त नायिका रेखा थापा पूर्वपञ्चहरुको प्रभावशाली पार्टी राष्ट्रिय प्रजातन्त्र पार्टीको एकता महाधिवेशनको चुनावी मैदानमा उत्रिएकी छन्।
केन्द्रिय सदस्य पदको लागि उम्मेदवारी दिएकी नायिका थापाको अलावा लोकदोहरी गायिका तथा चर्चित समाचारबाचिका कोमल ओली र सशक्त संचारकर्मी प्रकाश सुवेदी पनि केन्द्रिय सदस्य पदको चुनावी मैदानमा देखिएका छन्।
राप्रपाको आजको चुनावी माहोलमा यी तीन कलाकारहरुको व्यापक चर्चा तथा परिचर्चा भएको छ। तीनैजना जित्ने प्रबल संभावना भएको पनि भनिएको छ।
आज सोमवार हुनगैरहेको चुनावमा यी तीन चलचित्रकर्मीको चुनावी दौडले कतिको सार्थकता पाउने हो या होइन रु त्यो सोमवार रातिसम्म थाहा हुने नै छ।
प्रकाशन मिति–२०७३ साल फागुन ९ गते सोमवार ।