काठमाडौं। प्रतिनिधि सभा र प्रदेश सभा सदस्य निर्वाचनमा निर्वाचन आयोगबाट जारी मतदाता परिचयपत्रको विकल्पमा अन्य पाँच प्रकारका सरकारी परिचयपत्रको सक्कलका आधारमा मतदान गर्न सकिने व्यवस्था गरिएको छ।
मतदानका लागि आयोगबाट जारी मतदाता परिचयपत्र, नेपाली नागरिकताको प्रमाणपत्र, राष्ट्रिय परिचयपत्र, जग्गाधनी प्रमाणपुर्जा, राहदानी र सवारी चालक अनुमतिपत्रको सक्कलप्रति आवश्यक पर्ने आयोगले जनाएको छ।
अन्तिम मतदाता नामावलीमा नाम समावेश भएका मतदाताले मतदानका दिन मतदान केन्द्रमा जाँदा ती परिचयपत्रको सक्कलप्रति लिएर मतदान गर्न सक्ने छन्।
आइतवार मंसीर ४ गते प्रतिनिधिसभा र प्रदेशसभाको निर्वाचनको लागि मतदान गर्ने समय तालिक विहान ७ बजेवाट अपरान्ह ५ बजेसम्मलाई तोकिएको छ। निर्वाचनलाई शान्तिपूर्वक संचालन गर्न र गराउनको लागि देशभर सुरक्षा कडा गरिएको छ। प्रकाशन मिति–२०७९ साल मंसीर ३ गते शनिवार ।
