काठमाडौ। यती एयरलाइन्सको विमान शनिवार भैरहवामा अवतरणको क्रममा दूर्घटनामा परेको छ। २९ जना यात्रु तथा ३ चालक दलसहित ३२ जनालाई लिएर काठमाडौवाट भैरहवा उडेको उक्त यति एयरलाइन्सको विमान भेरहवा विमानस्थलमा अवतरण भएपछि रन–वेबाट २ सय ५० मिटर पर चिप्लिएर घाँसे मैदानमा पुगेको थियो।
भैरहवा स्थित जिल्ला प्रहरी कार्यालयका डिएसपी बीरवहादुर पाण्डेका अनुसार अपरान्ह ४ बजेर ५५ मिनेटमा विमानस्थलमा अवतरण हुने क्रममा त्यस दूर्घटना हुन पुगेको हो। घाँसे मैदानमा स्किड भएपछि गुडन नसक्ने भएपछि दूर्घटना भएको बताइएको छ। विमानको तीनवटै पांग्रा पड्केको छ।
दूर्घटनावाट यात्रु तथा चालकदल सवै सकुशल भएको र कुनै मानविय क्षति नभएको भैरहवा प्रहरीले जनाएको छ। सवै भगवानलाई धन्यवाद दिदै आ–आफ्ना गन्तव्यमा लागिसकेको पनि प्रहरीले भनेको छ।
प्रकाशन मिति–२०७३ साल असोज ८ गते शनिवार ।