लण्डन। बेलायतमा दशकौ देखि नेवारभाषा तथा नेवार कला–संस्कृतिको पहिचान र प्रवद्र्धन गर्ने कार्य पासा पुचः गुठी युकेले गर्दै आएको छ। यसैक्रममा नेवारभाषा तथा नेवार कला–संस्कृतिलाई बेलायतको विश्वविद्यालयमा अध्ययनको विषय बनाउन गुठीले भरमग्दुर प्रयास गरेको छ।
गुठीले लण्डनको यसै सिलसिलामा सोआस युनिभर्सिटी लन्डनमा नेवारभाषा र संस्कृतिका सम्बन्धमा बृहत कार्यशाला संपन्न गरेको छ। सोआस युनिभर्सिटी लण्डनको नेवारभाषा सोसाइटीले पासा पुचः गुठी यूकेसंगको सहकार्यमा उक्त कार्यशाला आयोजना गरेको हो।
उक्त विश्वविद्यालयमा अध्ययनरत विद्यार्थीहरु र पासा पुचः गुठी यूकेका सदस्यहरुसहित करिब २ दर्जनको सरोकारवालाहरुको सहभागिता रहेको कार्यशालाको सुरुमा नेवारभाषामा कसरी कुराकानी गर्ने भन्ने सम्बन्धमा आधारभूत प्रशिक्षण दिइएको थियो।
