काठमाडौ। विगत अढाई दशकदेखि निरन्तर चलचित्र निर्माण तथा निर्देशनमा सक्रिय निर्देशक किशोर सुव्वाको पछिल्लो चलचित्रका गीत तथा प्रचार सामाग्री सार्वजनिक भएको छ।
काठमाडौको बागबजारस्थित सिटीम्याक्स हलमा आयोजित कार्यक्रममा निर्देशक सुव्वाको पछिल्लो चलचित्र रेसको सार्वजनिक गरिएको हो।
माता पाथिभरा फिल्म्सको ब्यानरमा निर्माण भएको कथानक चलचित्र मनै छुने चलचित्र रेसका गीत तथा प्रचार सामाग्री चलचित्र क्षेत्रकै विज्ञ व्यक्तित्वहरुवाट भएको थियो।
नेपाल चलचित्र निर्देशक समाजकी अध्यक्ष सुचित्रा श्रेष्ठले गीत तथा प्रोमो,जींगल र बरिष्ठ पत्रकार बिजयरत्न तुलाधरले पोष्टर अनावरण गरेका थिए ।
निर्माता हस्त लिवाङको सभापतित्वमा सम्पन्न समारोहमा नेपाल चलचित्र कलाकार संघका अध्यक्ष रामकेशर बोगटी, नेपाल चलचित्र निर्देशक समाजकी अध्यक्ष सुचित्रा श्रेष्ठ ,निर्देशक किशोर सुब्बा, संंगीतकार आनन्द राई,नवनायक जियान,नायिका पुष्पा लिम्बु र नायक ईकु सुलेमान लगायतले चलचित्र रेस र रेसको सफलताको लागि शुभकामना व्यक्त गरेका थिए।
पूर्वीनेपाल लगाययत नेपाल बाहिर दुबईको बिभिन्न स्थानमा छायाँकन भएको चलचित्र रेसमा मौनता श्रेष्ठको पटकथा ÷सम्वाद,कुमार बखतीको छायाँकन,मन्दिल श्रेष्ठको सम्पादन, गोबिन्द राईको नृत्य निर्देशन, शंंकर महर्जनको द्वन्द निर्देशन रहेको छ।
गीतकारहरु आनन्द अधिकारी,कृष्ण थापा र सञ्जित तामाङको गीत रचनामा उदितनारायण झा,अन्जु पन्त,सुजाता उपाध्याय,दिपराज नेयोङहाङ र सञ्जित तामाङका गायनमा गीतहरु सुन्न सकिन्छ । हस्त लिवाङ प्रस्तुतकर्ता रहेको चलचित्र रेसमा निर्माताहरु बिशाल थेवे,हेमन्त गौतम,चन्द्र लिम्बु,सञ्जिव लिङदेन,राज शेम्बु र पासाङ घ्याल्मो रहेका छन्।
आगामी मँसीर १ गते देखि अमेरिका,बेलायत,दुबई,अष्ट्रेलिया,हङकङ,सिँगापुर,मलेसिया,भारत लगायत नेपालमा एकै साथ प्रदर्शन हुने भएको छ। चलचित्र रेशमा नयाँ प्रस्तुतिहरु जियान र एजेश सैंजुको अलावा नीता ढुँगाना,पुष्पा लिम्बु,ईकु सुलेकमान,किरण के.सी.,रविन्द्र खड्का, सुभाष गजुरेल, हस्त लिवाङ,रविन लिवाङको अभिनय रहेको छ।
प्रंकाशन मिति–२०७४ साल भाद्र २२ गते विहीवार ।