काठमाडौ। नेपाल स्वयमसेवी रक्तदाता समाजको तेस्रो राष्ट्रिय महाधिवेशन तथा रक्त सम्मेलन भएको छ। २५६२ औं बुद्ध जयन्तीको अवसरमा सोमवार काठमाडौको प्रदर्शनी मार्गस्थित राष्ट्रिय सभागृहमा यस कार्यक्रम भएको हो।
यस कार्यक्रमलाई नेपालका पूर्व प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डले उदघाटन गरेका हुन्। प्रचण्डलाई कार्यक्रम स्थलमा आयोजक नेपाल स्वयमसेवी रक्तदाता समाजका केन्द्रिय अध्यक्ष तथा नेपालका रेकर्डेट रक्तदाता प्रेमसागर कर्माचार्यले बाजागाजा सहित भव्य रुपमा स्वागत गरेका थिए। प्रचण्डसंग प्रेमसागरको हिडाई स्टाइल नै गजबको बनेको थियो।
‘कम्तीमा एक परिवार, एक स्वयमसेवी रक्तदाता अभियानमा सहभागी हौं’ भन्ने नाराकासाथ आयोजना गरिएको महाधिवेशनको पूर्व प्रधानमन्त्री पुष्पकमल दाहाल प्रचण्डले १८ बर्षको उमेरमा पहिलो पल्ट रक्तदान गर्न आएकी किशोरी पलिभसा जः आचाजुलाई रगतको थैली दिएर उदघाटन गरेका हुन्।
