काठमाडौं। ज्यानमार्ने उद्योगको आरोप लागेका दोलखाबाट निर्वाचित सत्तारुढ दल नेकपाका सांसद पार्वत गुरुङलाई काठमाडौंं जिल्ला अदालतले साधारण तारेखमा रिहा गरेको छ।
दोलखाका वीरध्वज खड्काको ज्यानमार्ने उद्योगको मुद्दा लागेका गुरुङ आइतबार अदालतमा उपस्थित भएकामा अदालतले साधारण तारेखमा छाड्ने निर्णय गरेको हो।
विसं.२०७४ जेठमा काठमाडौंको चाबहिलमा तत्कालीन माओवादी कार्यकर्ता खड्कामाथि गुरूङको निर्देशनमा आक्रमण गरिएको दाबीसहित गएको वैशाखमा मुद्दा परेको थियो।
उक्त मुद्धामा काठमाडौं जिल्ला अदालतले गएको असोज ८ गते गुरुङविरुद्ध पक्राउ पुर्जी जारी गरेको थियो।
प्रकाशन मिति–२०७६ साल कात्तिक ३ गते आइतवार ।